Gjatë diskutimit në studion e “Terminal” nga Aurora Sulçe, në A2 CNN për rastin e Oroshit, ku u arrestuan Julian Cumraku dhe Erzen Uka, pasi kërcënuan forcat e RENEA-s se do të qëllonin me armë, imami Ylli Gurra ngriti alarmin se ka disa xhami në vendin tonë, që janë kthyer në filiza të ekstremistëve.
Sipas Gurrës një ndër këto xhami problematike ndodhet brenda Unazës së Tiranës dhe ai akuzoi Komunitetin Mysliman se nuk bëri mjaftueshëm për të rikthyer rendin brenda këtij objekti kulti, duke emëruar nja hoxhë apo imam.
“Duhet të bëhet një ndarje e pjesës që quhet besim, pra besimi në vetëve islam në rastin konkret dhe besimtarëve myslimanë, me pjesën të cilët janë manipuluar, vazhdojnë të manipulohen dhe keqpërdoren. Marr parasysh ata që përfunduan në Siri të keqpërdorur dhe manipuluar, të cilët bëhen pjesë e kësaj ideologjie, në dallim nga qindra-mijëra myslimanë të Shqipërisë. Ajo që të krijon shumë pikëpyetje është keqpërdorimi i xhamisë në Kryeviz. Që për fatin e keq edhe pse sot jemi në 2025 kemi akoma disa objekte kulti për të cilat duhet të ishte ndërhyrë me pakta para 10 viteve, Janë në Shqipëri, tashmë janë dhjetëra jo aq shumë sa ishin në vitet 2014-2015. Disa dhjetëra xhami që kanë qenë filizat apo problematika e kësaj linje, apo fryme ideologjie ekstreme që përfundoi me vajtjen e 140 qytetarëve shqiptarë në Siri. Akoma ka për fatin e keq. Nuk po iki as më larg as më shumë, është brenda unazës në Tiranë, brenda unazës së kryeqyteti të Shqipërisë, një. Për të mos thënë pastaj në Pogradec, apo ja dhe rasti konkret në Pukë, apo në Kryeviz, meqenëse u bë publike dhe u vutë në dijeni se në cilën zonë janë. Janë pra tashmë të reduktuara në dhjetëra por janë. Po, po janë në Tiranë. Prapë të jem i vërtet, duke marrë edhe fajet që i takojnë rrogëtarëve të Komunitetit, se kështu do ta them, askush nuk është aty për hir të Zotit, në sensin sa human po dhe fetar: ‘Përse akoma nuk janë bërë ndërkohë që në Tiranë ka qenë unaza që ju përmenda dhe Mëzezi’”, tha imami Ylli Gurra në “Terminal” nga Aurora Sulçe, në A2 CNN.
Duke shpjeguar rastin e Xhamisë së Mëzezit ku në 2014 mësyn forcat e sigurisë dhe të SHISH pas dyshimeve për esktremizëm, Gurra nënvizoi se objekte kulti ku predikohen devijime nga islami dhe ngjizet fryma radikaliste shfrytëzohen sipas tij nga disa individë për të përfituar fonde në emër të besimit islam.
“Në Mëzez e dini që u bë dhe ndërhyrja nga forcat e sigurisë dhe të Inteligjencës, bëhet fjalë në vitin 2014. Kanë qenë dy xhami problematike nga shumëçka. Por koordinimet nga forcat e sigurisë, inteligjencës dhe policisë asokohe, koordinimi edhe nga banorët e zonës që e frekuentonin këtë xhami në Mëzez, u vendos që të caktohej një hoxhë në atë xhami për të mbyllur njëherë e përgjithmonë lajthitjen, apo rrëshqitjen që çoi deri në ndërhyrjen e policisë. Ndërkohë në Unazën e Re, as atë kohë dhe as sot, mesa duket, ndërkohë që edhe atë kohë si Myfti i Tiranës, kur u kërkua edhe koordinimi me Forcat e Sigurisë dhe Inteligjencës, komuniteti për fatin e keq mesa duket i duhet një dele e zezë në mes të gjithë objekteve të kultit për të mund të marrë disa fonde. Për fatin e keq disa të ditura, disa të paditura në emër të islamit, apo të jetuarit si mysliman modern, të Islamit modern. Tradicional nuk është. Por delja e zezë do të mbetej në këtë xhami në rastin konkret dhe pjesa tjetër rrogëtarët e Komunitetit, do të ishin ata të cilët do u lindte e gjithë e drejta që të thoshin këta janë pjesa e terrorit, nga këtu mund të lindë radikalizmi që mund të çlirojë Sirinë apo Jemenin në një kohë tjetër e kështu me radhë. Pra Komuniteti u tregua apatik apo i përgjumur dhe mos bashkëveprues po them unë, nuk kishte aspak dëshirë e vullnet për tu p[përfshirë edhe xhamia e Unazës së Re me një imam, apo hoxhë të emëruar dhe të funksiononte siç funksionojnë të gjitha objektet e kultit në Shqipëri”, shpjegoi në vijim Gurra në “Terminal” nga Aurora Sulçe, në A2 CNN.
(A2 Televizion)
A2 CNN Livestream
MUND TE LEXONI GJITHASHTU
