“Diçka po ndodh, por ende nuk po e kuptojmë.” Jo vetëm në jug, por edhe në veri të vendit nuk po reflektohet “bumi” i turizmit. Nga gati 1 milionë në janar-majin e një vit më parë, zonat e mbrojtura, përfshirë Alpet me Thethin Valbonën apo lumin e Gashit janë vizituar nga më pak se 750 vetë këtë vit.
“Ne prisnim më shumë këtë vit. Jemi disi të mbushur, por jo shumë më tepër se po i njëjti vit i më parë në të njëjtën kohë”, tha Aida Gjeçaj, eksperte dhe sipërmarrëse në fushën e turizmit.
Të dhënat nga Ministria e Turizmit dhe Mjedisit tregojnë se ndryshe nga një vit më parë, pjesa më e madhe e vizitorëve majin e këtij viti janë orientuar drejt parkut Divjakë-Karavasta, ndjekur nga Alpet, Butrinti, Prespa e Mali i Dajtit.
“Nga gjysma e dytë e majit e më pas, fillimi qershorit, pati një rënie të ndjeshme dhe jo vetëm në Alpe. Nga kontaktet që kam pasur edhe me kolegë të tjerë operatorë, e njëjta ka ndodhur edhe në jug të vendit”, tha Aida Gjeçaj, eksperte dhe sipërmarrëse në fushën e turizmit.
Teksa tregon se çmimet në veri kanë mbetur të pandryshuara në krahasim me një vit më parë, sipërmarrësja dhe ekspertja e turizmit Gjeçaj shpjegon edhe nga se mund të jetë shkaktuar tkurrja e turizmit.
“Efekt mund të ketë dhënë edhe kampionati europian. Do të duhet të presim finalen e më pas për të kuptuar nëse ka qenë kjo arsyeja. Por të paktën për momentin nuk arrij dot të gjej të tjera motive”, tha Aida Gjeçaj, eksperte dhe sipërmarrëse në fushën e turizmit.
Rënie të numrit të vizitorëve të huaj raportojnë edhe operatorë në këtë sektorë në Berat, Krujë dhe qytet që ofrojnë turizëm kulturor. (A2 Televizion)
A2 CNN Livestream
MUND TE LEXONI GJITHASHTU
