Një ngjarje e rëndë kriminale ka ndodhur këtë të martë në Rinas, ku një person ka mbetur i vrarë me armë zjarri, ndërsa një tjetër është plagosur rëndë.
Gazetari i A2 CNN Igli Çelmeta raporton se persona ende të paidentifikuar kanë qëlluar me armë zjarri nga një makinë Toyota me targa greke ndaj një automjeti tjetër, ku kanë vrarë një person dhe kanë plagosur një tjetër.
A2 CNN mëson po ashtu se viktimë në këtë ngjarje dyshohet të ketë mbetur shtetasi me iniciale G.D., person me precedentë të mëparshëm penalë.
Pas të shtënave makina është larguar me shpejtësi në drejtim të Fushë Krujës.
Kjo ngjarje e rëndë ka ndodhur vetëm 100 metra larg aeroportit të Rinasit, në një zonë me trafik të lartë dhe shumë të populluar. Nga të dhënat e para dyshohet se autorët kanë ndjekur makinën tip “Benz” rreth 3 kilometra.
Forcat e ndërhyrjes së shpejtë dhe ato RENEA kanë shkuar në drejtim të Fushë Krujës ku dyshohet ku mund të jenë larguar autorët. (A2 Televizion)
A2 CNN Livestream
MUND TE LEXONI GJITHASHTU
