Papërgjegjshmëria pas timonit vijon të marrë jetë njerëzish në vendin tonë. Kësaj radhe, çmenduria e një drejtuesi autoveture ka shokuar Shkodrën mëngjesin e të enjtes.
Si pasojë e përplasjes së fortë të dy mjeteve, një 50-vjeçar ka humbur jetën, ndërsa dy drejtuesit e mjeteve të përfshira në aksident janë plagosur, shkruan A2.
Policia ka nisur hetimet për zbardhjen e plotë të rrethanave të këtij aksidenti të ndodhur në një prej rrugëve kryesore të Shkodrës.
Por, ajo që duket në pamje të parë është që i dyshuari si shkaktar i këtij aksidenti, drejtuesi i autoveturës Mercedes Benz ngjyrë e zezë, ka qenë në një parakalim dhe me shpejtësi të lartë, duke mos shmnagur dot përplasjen thuajse ballore me automejtin tip Ford që po ecte në kahun e tij.
Fatkeqësisht, në këtë përplasje pasojat më të rënda i mori një drejtues biçiklete, që mbeti viktimë e kësaj ngjarje.
Ky është një tjetër aksident fatal si shumë të tjerë që kanë ndodhur kohët e fundit në vendin tonë, edhe në qëndra të banuara, ku papërgjegjshmëria pas timonit po kushton jetë të pafajshme që kanë qenë duke përdorur rrugën ose edhe trotuaret. (A2 Televizion)
A2 CNN Livestream
MUND TE LEXONI GJITHASHTU
