Dy persona janë vënë në pranga nga Policia e Vlorës, për drogë dhe kanosje me armë zjarri. Policia bën me dije se u arrestuan në flagrancë shtetasit H. M., 30 vjeç, banues në Gjormë, dhe R. L., 27 vjeç, banues në Ramicë.
Të dy u ndaluan teksa qarkullonin me automjet. Gjatë kontrollit, policia gjeti rreth 800 gramë lëndë të dyshuar narkotike të llojit Cannabis Sativa, e cila dyshohet se mbahej me qëllim shitjen, shkruan A2 CNN.
Nga verifikimet rezultoi se 27-vjeçari R. L. ishte shpallur në kërkim për veprat penale “Kanosja” dhe “Mbajtja pa leje dhe prodhimi i armëve”, pasi dyshohet se më 16 mars 2026 ka kanosur me armë zjarri kallashnikov një shtetas tjetër.
Materialet procedurale i janë referuar Prokurorisë pranë Gjykatës së Shkallës së Parë Vlorë, për veprën penale “Prodhimi dhe shitja e narkotikëve”. (A2 Televizion)
A2 CNN Livestream
MUND TE LEXONI GJITHASHTU
