Rexhep Rraja, djali i ish-deputetit të Partisë Socialiste, Rrahman Rraja, është arrestuar nga policia mëngjesin e të mërkurës, shkruan A2 CNN. Ai është pjesë e një grupi prej 7 personash të vënë në pranga pas një operacioni të Forcave të Ndërhyrjes së Shpejtë në zonën e Krujës dhe Niklës në orët e para të mëngjesit, ku janë ushtruar kontrolle në banesat e fisit Rraja.
Të arrestuarit
1-Marvin Bushati
2-Agim Nina alias Lorenc Izet Selmani
3-Sokol Qaja
4-Gazmir Rraja
5-Perparim Rraja
6-Rexhep Rraja
7-Zamir Aliaj
Në total janë dhënë 14 masa sigurie. 4 persona janë shpallur në kërkim: Ervis Shuli, Bujar Sefa, Hajdar Sefa, Vildan Baroku. Ndërsa 3 persona të tjerë, Islam Sefa, Aldo Gjini dhe Jani Çavo, janë në burg për vepra të tjera penale dhe u është komunikuar masa e sigurisë.
Këta shtetas akuzohen për veprat penale “trafikimi i lëndëve narkotike” e kryer në bashkëpunim në formën e veçantë të bashkëpunimit, atë të grupit të strukturuar kriminal. (A2 Televizion)
A2 CNN Livestream
MUND TE LEXONI GJITHASHTU
