Banorë të një pallati në lagjen ‘’Partizani’’ të Vlorës janë tronditur mesnatën e kaluar nga një shpërthim i fuqishëm në katin e parë të pallatit.
Një sasi lënde eksplozive, e dyshuar e llojit tritol, ka shpërthyer në derën e jashtme të apartamentit ku banon e vetme 63-vjecarja Bakie Zoto.
Kjo e fundit është nëna e Gentian Zotos, i cili është i dënuar me 35 vite burgim si i përfshirë në atentatin kundër Inez Hajrullës në maj të vitit 2019.
Fatmirësisht nga shpërthimi ka vetëm dëme materiale, ndërsa 63-vjecarja shprehet se nuk ka asnjë hasmëri, shkruan A2 CNN.
Sakaq policia ka nisur hetimet dhe këqyrjen e kamerave të sigurisë për identifikimin e autorëve të kësaj ngjarje, ndërsa dyshimet kryesore janë që lënda shpërthyese është vendosur në banesën e nënës së Gentian Zoto si shenjë hakmarrje ose paralajmëruese për shkak të së kaluarës së tij. (A2 Televizion)
