Të shtëna me armë zjarri janë regjistruar mbrëmjen e së mërkurës në lagjen "Çole" të qytetit të Vlorës.
Një person që udhëtonte me një Benz ngjyrë gri është qëlluar me breshëri kallashnikovi nga një makinë tjetër në lëvizje, e cila më pas u largua me shpejtësi.
Për pasojë kanë mbetur të plagosur 30 vjeçari Kevin Hajrullah, i cili ishte dhe objektivi i atentatit teksa plumbat nuk kanë kursyer dhe 37 vjeçarin Armando Spahiu që shiste fruta-perime në një dyqan pranë vendngjarjes.
Forca të shumta policia kanë shkuar në vendngjarje dhe po punojnë për zbardhjen e saj. Pak minuta pas ngjarjes, mësohet se një automjet është gjetur duke u djegur në autostradën Levan-Vlorë, e cila dyshohet se iu përket autorëve.
Paraprakisht raportohet se i plagosuri Kevin Hajrullah ndodhet në spital në gjendje të rëndë shëndetësore, pasi drejt makinës së tij janë qëlluar dhjetëra plumba, gëzhojat e të cilave kanë mbushur trotuarin.
Ndërkohë, për ngjarjen e rëndë ka tronditur edhe qytetarët e Vlorës. Njëri prej tyre, i cili ka qenë jo shumë larg vendngjarjes është shprehur se është shtrirë menjëherë në tokë sapo ka dëgjuar të shtënat.
“Sa dëgjova një të shtënë u shtriva. S’pash asgjë. Unë isha duke parë televizor dhe në moment sa dëgjova krismat u shtriva barkas”, thotë ai.
Në mjetin e djegur të llojit “KIA” janë gjendur dy kallashnikov si dhe dy karikatorë të tyre. I plagosuri i dytë Armand Spahiu ka marrë një plagë në këmbë dhe ndodhet jashtë rrezikut për jetën, ndërsa Kevin Hajrulla ndodhet në sallën e operimit në gjendje shumë të rëndë. (A2 Televizion)
A2 CNN Livestream
MUND TE LEXONI GJITHASHTU
