Policia e Elbasanit ka reaguar për ngjarjen e raportuar mbrëmjen e djeshme, për të shtëna me armë zjarri në lagjen “Vullnetari” të këtij qyteti. Sipas informacionit të policisë, ata janë informuar nga një 66-vjeçar për të shtëna me armë zjarri, afër banesës së tij, rreth orës 20:30 të së premtes së 28 nëntorit.
Menjëherë pas njoftimit, shërbimet e Policisë dhe grupi hetimor shkuan në vendngjarje për të verifikuar situatën dhe për të kryer veprimet e para hetimore. Gjatë këqyrjes së zonës ku dyshohej se ishte qëlluar, Policia nuk gjeti asnjë gëzhojë apo predhë, ndërsa edhe kontrolli në pjesën e sipërme të banesës së 66-vjeçarit nuk evidentoi shenja të goditjes me armë zjarri.
“Më datë 28.11.2025, rreth orës 20:30, shtetasi F. P., 66 vjeç, ka njoftuar në Polici se kishte dëgjuar të shtënë me armë zjarri afër banesës së tij, në lagjen "Vullnetari". Menjëherë kanë shkuar shërbimet e Policisë dhe grupi hetimor, të cilët nga këqyrja e vendit ku dyshohet se ishte qëlluar, nuk gjetën asnjë gëzhojë, si dhe në pjesën e sipërme të banesës ku dyshohet se ishte qëlluar një herë me armë zjarri, nuk u gjet predhë plumbi. Vijon puna për sqarimin e rrethanave, si dhe për identifikimin dhe kapjen e autorit”, njofton policia.
Policia njofton se po punon për identifikimin e çdo personi që mund të jetë i përfshirë, ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
(A2 Televizion)
A2 CNN Livestream
MUND TE LEXONI GJITHASHTU
