Një vatër zjarri ka rënë ditën e sotme në një subjekt agroturizmi, në afërsi të Leskovikut.
Sipas informacioneve paraprake, flakët kanë përfshirë një nga shtëpitë e drurit që janë pjesë e kompleksit të agroturizmit.
Në vendngjarje janë nisur dy zjarrfikëse, një nga Kolonja dhe tjetra nga Leskoviku, si dhe forca të Policisë së Shtetit.
Deri më tani, nuk raportohet për persona të lënduar, ndërsa shkaqet e zjarrit mbeten për t’u përcaktuar nga hetimet paraprake. (A2 Televizion)