Gjyqtarja e Apelit, Nertina Kosova, ka caktuar 24 shkurtin për seancën do të vlerësojnë kërkesën e kryebashkiakut Erion Veliaj për zbutje të masës së sigurisë, raporton A2CNN.
Në ankim pretendohet se Veliaj nuk plotëson kushtet për t'u mbajtur në paraburgim. Pak ditë në parë Gjykata e Posaçme kaloi në gjykim dosjen ndaj Veliajt dhe të bashkëpandehurve.
Kryebashkiaku i Tiranës ndodhet në arrest me burg që prej 10 shkurtit 2025. Ndaj tij SPAK ka renditur 13 akuza, si korrupsion pasiv, pastrim parash, mosdeklarim pasurie, shpërdorim detyre dhe futja e sendeve në burg.
Shumica e akuzave është ajo e korrupsionit pasiv e kryer në 9 raste, në raport me disa kompani për të cilat SPAK thotë se ka marrë përfitime të parregullta në formën e shumave monetare dhe pasurive të paluajtshme, të cilët nga ana e tyre kanë marrë leje ndërtimi dhe përfituar fonde publike nga Bashkia e Tiranës.
Edhe bashkëshortja e tij, Ajola Xoxa, akuzohet nga SPAK për korrupsion pasiv në 9 raste në lidhje me subjekte tregtare dhe organizata jofitimprurëse, njëjtë si Erion Veliaj. (A2 Televizion)
A2 CNN Livestream
MUND TE LEXONI GJITHASHTU
