Në foltoren e katërt të opozitës para Kryeministrisë, e cila përkoi me Ditën e Rinisë, kryetari demokrat Sali Berisha e përqendroi fjalën e tij në largimet e të rinjve nga vendi.
Sipas kreut të opozitës, shkaktari i eksodit masiv është Edi Rama, duke e cilësuar atë armikun e të rinjve shqiptarë, shkruan A2.
Kryetari demokrat bëri thirrje për bashkimin e qytetarëve në protesta për të rrëzuar nga pushteti Edi Ramën.
Në të parën foltore pas lëvizjes brenda PD-së, Salianji-Alimehmeti, këta të fundit ishin të pranishëm në bulevard, por larg njëri-tjetrit. Ndryshe nga Alimehmeti, i cili e ndoqi tubimin deri në fund, Salianji e braktisi në mes të fjalimit të Sali Berishës.
Më herët, Berisha ishte në Qytetin Studenti ku përkujtoi lëvizjen e Dhjetorit pranë shtatores së Azem Hajdarit. (A2 Televizion)
A2 CNN Livestream
MUND TE LEXONI GJITHASHTU
