“Me apo pa opozitën reformat do të ecin përpara”. Është ky mesazhi që u është përcjellë socialistëve në mbledhjen me dyer të mbyllurat të grupit parlamentar. Burime për A2 CNN bëjnë të ditur se në mbledhje janë diskutuar sfidat e parlamentit këtë sesion të ri.
“Edhe njëherë socialistëve u është bërë e qartë që me apo pa opozitën reformat do të ecin përpara”, thanë burime për A2 CNN.
A2 CNN mëson se objektivi kryesor është roli i Kuvendit në procesin e integrimit si në ushtrimin e kontrollit ndaj institucioneve ashtu edhe në miratimin e ligjeve si kërkesë e BE.
Kryeministri Edi Rama po zhvillon prej orës 10:00 një mbledhje me dyer të mbyllura me Grupin Parlamentar të Partisë Socialiste. Mbledhja po zhvillohet në Pallatin e Brigadave dhe pritet të përfundojë rreth orës 15:00.
Mbledhja zhvillohet pak ditë përpara nisjes së sesionit parlamentar për vitin 2026. (A2 Televizion)
A2 CNN Livestream
MUND TE LEXONI GJITHASHTU
