Eksperti i marrëdhënieve ndërkombëtare Marlind Laçi ka paralajmëruar se erëra konfliktesh po fryjnë tanimë në Ballkan.
I ftuar në emisionin “Off the Record” të gazetarit Andrea Danglli në A2CNN, Laçi komentoi protestën e studentëve shqiptarë në Shkup, të cilët kërkojnë zhvillimin e provimit të Jurisprudencës në gjuhën shqipe.
Sipas tij, klima politike në rajon po tensionohet gjithnjë e më shumë, ndërsa nacionalizmi po rikthehet fuqishëm në disa vende të Ballkanit. Laçi tha se ndërkombëtarët e lejojnë nacionalizmin në disa vende të rajonit, por jo kur bëhet fjalë për shqiptarët.
“Gjykoj se po fryjnë erëra konfliktesh në Ballkan. Ballkani s’është më aq i qetë saç mund të ishte të paktën për 10 apo 15 vite. Ka hyrë edhe një herë në modë nacionalizmi radikal, ekspansionist, siç është nacionalizmi i Hristijan Mickoskit. Duket sikur edhe vetë ndërkombëtarët e tolerojnë nacionalizmin, qoftë në Serbi, qoftë në Kroaci, qoftë në Mal të Zi, vetëm për shqiptarët ky lloj nacionalizmi nuk tolerohet. Nuk lejohet as nacionalizmi mbrojtës”, tha eksperti.
(A2 Televizion)
A2 CNN Livestream
MUND TE LEXONI GJITHASHTU
