Zv.kryeministrja Belinda Balluku, njëherazi ministre e Infrastrukturës dhe Energjetikës, e pezulluar nga të dy funksionet me vendim gjyqësor, ka ndërmarrë një hap ligjor në përballjen e saj me SPAK.
Përmes avokatëve, Balluku ka ankimuar në Apel masat e sigurisë të caktuara ndaj saj nga Gjykata e Posaçme, “pezullim nga detyra” dhe “ndalim të daljes jashtë shtetit”.
Në Apelin e Posaçëm zv.kryeministrja kërkon prishjen e vendimit të 19 nëntorit, për caktimin e masave në mungesë e atë të 22 nëntorit të Gjykatës së Posaçme që i konfirmoi ato dhe shfuqizimin e të dy masave. Në ankim pretendohet se nuk ekzistojnë kushtet ligjore përcaktimin e këtyre masave të sigurisë.
Zv.kryeministrja Balluku u pezullua me kërkesë të SPAK, teksa dyshohet për veprën penale të “shkeljes së barazisë së pjesëmarrësve në tendera dhe ankande publike”, kryer në gjatë dy procedurave prokuruese, atë për ndërtimin e tunelit të Llogarasë dhe për lotin 4 të Unazës së Madhe në Tiranë.
Përveç saj, në Apel kanë kundërshtuar masën e sigurisë “arrest në shtëpi” edhe drejtuesi i ARRSH, Gentian Gjyli dhe ai i OSHEE, Erald Elezi, të akuzuar për të njëjtat episode. (A2 Televizion)
A2 CNN Livestream
MUND TE LEXONI GJITHASHTU
