Presidenti amerikan Donald Trump ka falënderuar Shqipërinë dhe Kosovën gjatë fjalës së tij në Bordin e Paqes në Uashington. Ai tha se përveç fondeve të mbledhura nga disa shtete, Kosova, Shqipëria dhe tre vende të tjera do të kontribuojnë me trupa dhe polici në Gaza.
“Kombet që janë këtu sot, nuk do të mbledhin thjesht para, por disa do të dërgojnë persona për të mbikëqyrur dhe siguruar një paqe të sigurt në Gaza. Indonezia shumë faleminderit. Maroku faleminderit shumë. Shqipëria, Kosova, Kazakistani të gjithë kanë premtuar trupa dhe polici në Gaza. Mendoj që do të kemi disa njerëz shumë të mirë në atë forcë policie. Të gjitha këto vende po punojnë për një vizion që ka të bëjë me paqen në Lindjen e Mesme. Tani është koha për Iranin që të na bashkohet. Nuk duhet të bëjnë destabilitetin në rajon. Nëse nuk arrihet marrëveshja gjëra shumë të këqija do të ndodhin”, tha Trump.
Egjipti dhe Jordania, shtoi ai, "po ofrojnë gjithashtu ndihmë shumë, shumë të konsiderueshme, trupa, trajnime dhe mbështetje për një forcë policore palestineze shumë të besueshme".
Trump nuk dha detaje mbi numrin e trupave ose kur do të dislokoheshin, as se si do të përdoreshin fondet.
Presidenti amerikan theksoi gjithashtu se ka një përgjigje shumë të mirë nga Europa për Bordin e Paqes.
“Kemi një përgjigje shumë të mirë nga Europa. Kemi një lidhje shumë të mirë me Europën dhe NATO-n. Norvegjia ka rënë dakord që të presë një event që do të presë Bordin e Paqes. Mendova që do të me jepnin Çmim Nobel për Paqen, kjo është më pak entuziaste, por nuk më intereson për çmime por për paqen. Kam një aftësi për të ndaluar luftëra dhe do e përdor këtë aftësi. Dua që të shpëtoj jetë dhe nuk më intereson për çmime. 2 miliardë dollarë fonde për Gazën. Japonia ka premtuar që do të organizojë për të mbledhur fonde, Kina do të jetë e përfshirë, mendoj që edhe Rusia do të jetë dakord. FIFA do të ndihmojë për të mbledhur 77 miliardë euro për Gazën, mendoj që ka të bëjë me fushat. Së shpejti do të njoftojmë detajet dhe nëse mundem së shpejti do të shkoj atje". (A2 Televizion)
A2 CNN Livestream
MUND TE LEXONI GJITHASHTU
