Kur një çift nga fshati Ames, Nju-Jork, mori vesh se shtëpia e tyre 100-vjeçare ishte ndërtuar nga një kontrabandist, ata menduan se ishte thjesht një legjendë urbane. Por, gjatë punimeve për rinovimin e shtëpisë, ata bënë një zbulim që i bëri të kuptonin se ndoshta legjenda ishte e vërtetë.
Në fillim të tetorit, Nick Drummond dhe Patrick Bakker, thanë se kishin gjetur më shumë se 66 shishe uiski të prodhuar në epokën e prohibicionit, të fshehura brenda mureve të shtëpisë, ndërtuar në vitin 1915.
“Të gjithë muret ishin të mbushura me alkool”, thotë Drummond, në një seri postimesh në rrjetet sociale, për të dokumentuar zbulimin. Ata jetojnë në Ames, rreth 3 orë larg me makinë nga qyteti i Nju-Jorkut, prej pak më shumë se një viti dhe vendosën të kryenin disa punime. “Kur e kuptova që ishin shishe me uiski u befasova, por pastaj kuptova që historia e kontrabandistit ishte e vërtetë”, tha Drummond për CNN.
Pronari i vjetër i shtëpisë ishte një gjerman me emrin Konti Adolph Humpfner, i cili përshkruhej, në shumë artikuj gazetash të kohës, si njeri i skandaleve. Çifti ka vendosur t’i nxjerrë në shitje shishet e pahapura të gjetura në shtëpi, ku secila mendohet se kap një vlerë prej 1000 dollarësh, tha Drummond. (A2 Televizion)
A2 CNN Livestream
MUND TE LEXONI GJITHASHTU
