Një penallti e kthyer në gol nga Iliman Ndiaye i mohoi Arsenalit fitoren ndaj Evertonit, në një ndeshje që përfundoi 1-1 në “Goodison Park” dhe që mund të shkurtojë rrugën e Liverpoolit drejt titullit kampion.
Edhe pse “Topçinjtë” dominuan pjesën e parë, duke kaluar në avantazh me golin e Leandro Trossard pas një kundërsulmi të shpejtë, dështuan të mbyllin ndeshjen. Jordan Pickford bëri disa pritje të jashtëzakonshme, përfshirë një ndaj Trossard dhe një tjetër spektakolare ndaj Gabriel Martinellit në fundin e takimit.
Gabimi i të riut Miles Lewis-Skelly në fillim të pjesës së dytë i dha Evertonit një penallti, të cilën Ndiaye e shndërroi në gol pas një verifikimi të gjatë me VAR. Me këtë barazim, Arsenal e sheh veten gjithnjë e më larg garës për titull, ndërsa Everton vazhdon serinë pa fitore në gjashtë ndeshje.
Në këtë sfidë mori minuta të rëndësishme edhe sulmuesi shqiptar Armando Broja, i cili hyri në lojë në pjesën e dytë dhe tregoi një paraqitje pozitive.
Me shpejtësinë dhe depërtimet e tij, ai shqetësoi mbrojtjen e Arsenalit dhe ndihmoi skuadrën të fitonte disa faulla në zonën e rrezikshme. Edhe pse nuk gjeti golin, Broja tregoi se mund të jetë një armë e vlefshme për Evertonin në javët e fundit të sezonit.
Ky barazim i lë “Topçinjtë” të brengosur, ndërsa tifozët e Liverpoolit fillojnë të ëndërrojnë më fort për titullin. (A2 Televizion)
A2 CNN Livestream
MUND TE LEXONI GJITHASHTU
