Egnatia është eliminuar me penallti nga Champions League.
Celje u tregua e saktë në të gjitha goditjet, ndërsa rrogozhinasit gabuan me Bitrin dhe Ndrecën.
Fillimisht ishte Egnatia që kaloi e para në avantazh. Ishte autogoli i Hrka në minutën e 21-të që solli festë tek ekipi i Nevil Dedes. Më pas Kvesiç riktheu baraspeshën me një gol nga goditja e dënimit, shkruan A2.
Pjesa e dytë i pa skuadrat shumë të kujdesshme. Në 30 minutat e shtesës ishte Bitri që shkaktoi penallti, ndërsa e mori përsipër Kvesiç për t’i dhënë avantazhin kampionëve të Sllovenisë.
Por, ishte Smajli ai që riktheu baraspeshën në minutën e 114-të.
Penalltitë u kthyen sërish në makth për Egnatian, pasi Bitri dhe Ndreca e dërguan topin jashtë.
Tashmë fokusi kalon në turin e tretë të Ligës së Europës. Aty për Egnatian do të jetë përballë Shamrock Rovers, ekipi kampion i Irlandës. (A2 Televizion)
A2 CNN Livestream
MUND TE LEXONI GJITHASHTU
