Juventusi mposhti Fiorentinën në javën e 31 të Serie A dhe kthehet te fitorja pas pesë ndeshjeve. Suksesi 1-0 i shërbeu bardhezinjve që të hedhin pas krahëve krizën, pasi kishin marrë vetëm 2 pikë në katër ndeshjet e fundit të kampionatit.
Për të vendosur sfidën shërbeu goli i Gatit, pas shtyllës së goditur nga Bremer. Mbrojtësi nuk e kishte të vështirë ta shtynte topin në rrjetë, në atë që mund të cilësohet një pjesë e parë loje perfekte e skuadrës së Allegrit.
Në total Juventusit i’u anuluan tre gola për pozicion jashtë loje dhe dy herë shtylla prishi festën. Fiorentina u zgjua vetëm në minutat e fundit, por tentativa e Niko Gonzalez u devijua nga portieri Shezni dhe përfundoi në traversë. Me fitoren e arritur Juventusi konsolidon vendin e tretë në renditje dhe rikthen distancën e sigurisë me 4 pikë nga Bolonja ndjekëse. (A2 Televizion)
A2 CNN Livestream
MUND TE LEXONI GJITHASHTU
