Nuk kishte një fitues në supersfidën e kësaj jave në futbollin shqiptar. Partizani dhe Vllaznia ndanë pikët me njëra tjetrën pasi 90 minuta përfunduan me rrjeta të paprekura. Kuqeblutë krijuan më shumë raste në fillim, por mundësinë më të mirë e kishin kryeqytetasit.
Pas një aksioni të shpejt Murataj lëshoi një predhë nga e majta, por festa e tij u ndal nga shtylla. Nga ana tjetër shkodrant tentuan me Balaj apo Mala, por asnjë prej tyre nuk kishte shënjestrën e saktë. Në pjesën e dytë ritmi ra disi me dy ekipet që më së shumti tentonin të mbroheshin se të sulmonin.
Trajneri Orges Shehi hodhi në fushë të gjithë artilerinë, duke aktivizuar Kekon apo Bintsuka por rrjetat nuk u prekën. Pas këtij barazimi, dy ekipet mbeten në të njëjtat pozicione. Vllaznia në vendin e dytë me 54 pikë, ndërsa Partizani qëndron në vendin e tretë me 48 pikë. (A2 Televizion)
A2 CNN Livestream
MUND TE LEXONI GJITHASHTU
