Shtetet e Bashkuara të Amerikës janë eliminuar nga Botërori i Basketbollit që po luhet në Kinë, duke shkaktuar surprizën e radhës pasi dje doli jashtë kompeticionit edhe Serbia, ekipi tjetër pretendent për fitoren e trofeut.
Franca ishte ekipi që arriti të mundë në çerekfinale ekipin amerikan me rezultatin 89-79, me amerikanët që në këtë turne nuk u paraqitën me lojtarët më të mirë që ka në dispozicion.
Vetëm Donovan Mitchell luajti në nivel të lartë, por pikët e tij nuk ishin të mjaftueshme për të përballuar francezët Fournier dhe Gobert, të cilët gjithashtu luajnë në NBA.
Tashmë, në gjysmëfinale, Franca do të përballet me Argjentinën. (A2 Televizion)
A2 CNN Livestream
MUND TE LEXONI GJITHASHTU
