Me ardhjen e kohës së mirë, shumë njerëz kërkojnë të rikuperojnë zakone të shëndetshme, duke bërë një jetë aktive, duke praktikuar stërvitje të rregullta dhe duke ndjekur një dietë të shëndetshme.
Ndër ushqimet për këtë dietë të shëndetshme dallohen kërpudhat, që mund të konsumohen të freskëta ose të konservuara, si pjesë e sallatave, të skuqura, të pjekura apo edhe si garniturë në shumë pjata.
Kërpudhat mund të gjenden nëpër supermarkete gjatë gjithë vitit. Ato janë burim i vitaminave të grupit B dhe D, si dhe mineraleve si kaliumi, fosfori dhe hekuri, ndër të tjera. Kjo përbërje e bën kërpudhën një aleat të mundshëm në parandalimin e sëmundjeve si kanceri, skleroza dhe diabeti.
Në fotogalerinë e mësipërme, njihuni me vetitë fantastike të kërpudhave. (A2 Televizion)
Kanë pak kalori - Ushqim perfekt për ata persona që duan të humbin peshë. Përmbajtja e tyre e fibrave gjithashtu i bën kërpudhat të kenë një efekt ngopës.Parandalojnë kancerin - Veprimi i tyre kundër kancerit është për shkak të pranisë së dy përbërësve themelorë aktivë: selenit dhe një frenuesi të aromatazës.Parandalojnë plakjen e trurit - Përmbajnë dy antioksidantë shumë të rëndësishëm në një përqendrim shumë të lartë, që janë ergothioneina dhe glutathione.Janë të shëndetshme - Siç konfirmohet nga disa studime, kërpudhat ndihmojnë në ruajtjen e niveleve normale të kolesterolit në gjak.Përmirësojnë sistemin imunitar - Komponimi që formon fibrën e tij, betaglukanet, i bën kërpudhat të punojnë si një përforcues i sistemit imunitar.Ato ndikojnë në shëndetin e mirë të kockave - Janë një burim i pasur i kalciumit, një lëndë ushqyese thelbësore në formimin dhe forcimin e kockave.
