30 elefantë të egër afrikanë, të kapur rob, të shitur dhe të transportuar ligjërisht në Kinë për mbushjen e kopshteve zoologjike. Por, fillimisht duhet të vuajnë në Zimbabve.
Kjo video ekskluzive e realizuar me celular na jep pamjen e parë të dërgesës së fundit nga Zimbabve. Të mbyllur në kafazë, shenjat e vuajtjes janë të qarta. Vetëm pak javë më parë gjendeshin mes grupeve familjare në parkun natyror të Hwange.
David McKenzie thotë: “Ata vijnë dhe kapin elefantët e rinj, pasi i ndajnë nga pjesa tjetër e tufës. Elefantët janë kafshë shumë sociale. Krijojnë lidhje të forta që zgjasin një jetë dhe duke i shkëputur nga pjesa tjetër e familjes e duke i çuar në vende të huaja i shkaktojnë atyre trauma të pakapërcyeshme”.
Por, pavarësisht shqetësimeve, tregtia deri më tani bëhej në mënyrë të ligjshme. Por, kjo dritare po mbyllet. Rregullat e reja që parandalojnë dërgesat përtej detit të të gjithë elefantëve hyn në fuqi në fund të nëntorit. Autoritetet e Zimbabves thonë se do t’i binden rregullave të reja, por ekspertët paralajmërojnë për zhvendosje drejt tregtisë së fshehtë.
Thatësira e rëndë që ka përfshirë rajonin ka çuar në ngordhjen e mbi 200 elefantëvë të egër të Zimbabves. (A2 Televizion)
A2 CNN Livestream
MUND TE LEXONI GJITHASHTU
