Kryetari demokrat Lulzim Basha i ka konsideruar sajesa deklaratat se zgjedhjet në FRPD u njoftuan pasi Belind Këlliçi njoftoi pjesëmarrjen në Foltoren e ish-kryeministrit Sali Berisha.
Para mbledhjes me grupin e punës të FRPD-së, Basha tha se po ndiqet e njëjta porcedure si në vitin 2014.
“Nuk është e vërtetë, është sajesë e fabrikuar nga interesa personale. Për herë të parë në drejtimin tim janë zhvilluar zgjedhje një anëtar një votë, që është risi. Për fat të keq mandati i kryetarit dhe drejtuesve ka skaduar dhe sërish me një anëtar një votë do të zgjedhin”.
Një ditë më parë kreu dmeokrat urdhëroi hapjen e garës për riorganizimin dhe zgjedhjet në Forumin Rinor të Partisë Demokratike me argumentin se “mandati i shumicës dërrmuese të drejtuesve të FRPD-së ka mbaruar dhe një pjesë e drejtuesve kanë tejkaluar moshën”.
Nga ana e tij kreu i FRPD Belind këlliçi aka konsideruar nul vendimin e Lulzim Bashës për hapjen e garës për riorganizimin dhe zgjedhjet në FRPD.
Përsa i takon vendimit të Gjykatës Kushtetuese, që rrëzoi kërkesën e Shoqatës së Bashkive të Shqipërisë, duke njohur si kushtetuese zgjedhjet e vitit 2019, Basha theksoi se do të presë zbardhjen e plotë të vendimit. (A2 Televizion)
A2 CNN Livestream
MUND TE LEXONI GJITHASHTU
