Serbia ka shpallur 27 shtatorin ditë zie, për 3 anëtarët e grupit kriminal që u vranë pas sulmeve ndaj Policisë së Kosovës. Lajmi është bërë me dije nga mediat serbe.
“Siç thuhet në njoftim, Qeveria e Serbisë kërkon nga të gjitha mediat dhe organizatorët e ngjarjeve publike që programin e tyre ta përshtatin me ditën e zisë të mërkurën, më 27 shtator, dhe në këtë mënyrë t’i bëjnë respekt për viktimat e “Kosovës dhe Metohisë”, thuhet në mediat serbe.
Policia e Kosovës u sulmua në veri nga grupe terroriste ditën e diel. Si pasojë e sulmit, u vra polici Afrim Bunjaku. Gjatë shkëmbimit të zjarrit, u vranë edhe 3 terroristë, ndërsa u sekuestrua sasi e madhe armësh.
Kjo ngjarje ka shërbyer për të rindezur konfliktin në veri të Kosovës, me Albin Kurtin dhe Aleksander Vuçiç që bëjnë fajtorë njëri-tjetrin. (A2 Televizion)
A2 CNN Livestream
MUND TE LEXONI GJITHASHTU
