Serbia vazhdon që të mbrojë agresorët e sulmit të armatosur në veriun e Kosovës. Drejtori i të ashtuquajturës Zyrë për Kosovën në qeverinë serbe, Petar Petkoviç, pretendon se njëri prej sulmuesve është vrarë nga policia pasi ishte plagosur.
Ai tha se patologët serbë kanë analizuar fotografinë e Bojan Mijailoviçit të vrarë, duke pretenduar se është ekzekutuar me snajper kur ka qenë i shtrirë në tokë.
“Në përgjigjen e EULEX-it për Beogradin, thonë se autopsia është bërë më 26 shtator, dhe në certifikatën e vdekjes thuhet se është bërë më 25 shtator. Dikush këtu gënjen rëndë”, tha ai duke pretenduar se Policia e Kosovës nuk lejoi përfshirjen e EULEX-it në këtë ngjarje për të falsifikuar provat.
Më tej, ai kërkoi nga KFOR-i dhe EULEX-i që të jenë objektivë dhe neutralë sa i përket sulmit të 24 shtatorit. Petkoviç përsëriti akuzat e zakonshme të Serbisë duke thënë se “terrori i Albin Kurtit ndaj popullit serb në Kosovë po shtohet”, ndërsa kërkoi reagim nga perëndimi dhe organizatat ndërkombëtare, siç tha ai për të dënuar Kosovën. (A2 Televizion)
A2 CNN Livestream
MUND TE LEXONI GJITHASHTU
