Presidenti i Republikës, Bajram Begaj, e ka cilësuar “moment historik” pritjen e liderëve të BE-së për Samitin e Procesit të Berlinit që do të mbahet sot në Tiranë. Kreu i shtetit, përmes një postimi në platformën X, uron që diskutimet e ditës së sotme të jenë produktive.
“Pritja e sotme e Samitit të Liderëve të Procesit të Berlinit në Tiranë është një moment historik për rrugëtimin evropian të Shqipërisë dhe rajonin në tërësi. I mirëpres me ngrohtësi delegacionet e pranishme dhe u uroj atyre diskutime produktive”.
Kujtojmë se një ditë më parë në zyrën e tij, Begaj priti Presidenten e Komisionit Evropian, Ursula von der Leyen.
“Besimplotë se Samiti i Procesit të Berlinit në Tiranë do të nxisë marrëdhënie më të mira midis vendeve të Ballkanit Perëndimor dhe do të ndërtojë shinat e duhura për krijimin e një tregu ekonomik të zonës. Shqipëria është e vendosur në rrugëtimin e saj drejt Bashkimit Evropian”. (A2 Televizion)
A2 CNN Livestream
MUND TE LEXONI GJITHASHTU
