Pakënaqësia popullore ndaj "kastës" bëri që Mulla Hubatullah Akhundzada, kreu i talebanëve në Afganistan, të urdhërojë udhëheqësit e grupit të hiqnin dorë nga poligamia. "Walwar", domethënë paja që burri i detyrohet familjes së nuses kur martohet me të, në fakt konsiderohet nga klasat e ulëta (veçanërisht nga ushtarët) si një pension vjetor i pajustifikuar, simbol i një privilegji që gëzojnë elitat.
Në urdhrin e tij (fatwa), Mulla (i cili ka dy gra) kujton se Kurani autorizon poligaminë deri në katër gra, por nuk lejon asnjë lloj humbje ekonomike. Nga teksti, përkundrazi në kundërshtim me vlerat tradicionale të lëvizjes fondamentaliste të poligamisë, kuptohet që poligamia nuk rekomandohet më, dhe në të vërtetë do të ishte më mirë ta shmangni, nëse nuk keni mjetet e duhura ekonomike, në mënyrë që të shmangen korrupsioni dhe praktikat e paligjshme.
Arsyeja për urdhrin e ri të Akhundzada lidhet jo aq shumë me arsye fetare, por me akuzat për korrupsion drejtuar liderëve të shumtë të talebanëve të cilët, për t’u rimartuar, kanë shpenzuar 20 mijë deri në 85 mijë euro, duke përdorur fondet e grupit, ose duke mbledhur para me mjete të dyshimta, duke krijuar kështu pakënaqësi mes anëtarëve më pak të pasur.
Në shumicën e rasteve bëhet fjalë për shuma që duhet të paguhen në të holla, të nxitura nga fonde të paligjshme, korrupsion dhe mashtrim. Sipas udhëheqjes supreme të Talebanëve, këto praktika ofrojnë argumente "për armiqtë tanë". Dhe për këtë arsye, komandantët janë të ftuar për "maturi më të madhe", veçanërisht në lidhje me jetën e brendshme. Urdhri nuk ka vlerë prapavepruese. Ajo që është shqetësuese në veçanti është mbajtja e lëvizjes në një fazë delikate të negociatave me qeverinë e Kabulit që mund të çojë në kthimin e tyre në pushtet pas tërheqjes së njoftuar të forcave të fundit amerikane dhe "sakrifica" do të ishte e përkohshme.
"Është e pamundur të mbash katër gra në një mënyrë të denjë në kushtet aktuale financiare. Ne po kalojmë një krizë ekonomike me inflacionin. Për këtë arsye ne kërkojmë nga zyrtarët, në përputhje me ligjin e Sheriatit, të mos martohen për herë të dytë, të tretë ose të katërt nëse nuk ka nevojë ”, shkroi Mulla në urdhër (fatwa).
Kur "situata të përmirësohet - siguroi Hibatullah Akhundzada - luftëtarët do të mund të rifillojnë të martohen përsëri". Një përjashtim u jepet atyre që synojnë të martohen me "të veja në nevojë", atyre që nuk kanë fëmijë, ose kanë vetëm vajza, dhe gjithashtu atyre që kanë një familje të pasur.
Poligamia është e ligjshme në shumë vende në Azi dhe Afrikë, ku popullsia është kryesisht myslimane. Toleruar dhe jo gjithmonë e inkurajuar në vendet sunite, mbetet praktikë e zakonshme në Afganistan dhe Pakistan. (A2 Televizion)
A2 CNN Livestream
MUND TE LEXONI GJITHASHTU
