Melania Trump bëri një shfaqje të rrallë në publik dhe zgjodhi ta bëjë për të folur mbi robotët dhe teknologjinë e avancuar. Ajo u kërkoi krerëve të sektorëve publikë e privatë të përgatisin fëmijët për rritjen e inteligjencës artificiale. “Robotët janë këtu”, paralajmëroi ajo gjatë një takimi të task forcës së Shtëpisë së Bardhë për edukimin mbi inteligjencën artificiale, që shënoi edhe daljen e parë publike të saj që prej 13 korrikut.
“Inovacionet e humanoidëve të gjeneratës së parë, automatizimi i fabrikave dhe automjetet autonome janë rritur nga investimet e sektorit privat. Të gjitha këto përparime mundësohen nga inteligjenca artificiale. Robotët janë këtu. E ardhmja jonë nuk është më fantastiko-shkencore. Si liderë dhe prindër, ne duhet të menaxhojmë përgjegjësinë që vjen nga rritja e inteligjencës artificiale. Gjatë kësaj faze primitive, është detyra jonë ta trajtojmë inteligjencën artificiale ashtu siç do të trajtonim fëmijët tanë: duke e fuqizuar, por me udhëzim vigjilent”.
Nuk është hera e parë që Melania flet për mundësitë dhe rreziqet që burojnë nga teknologjia e avancuar, duke promovuar rishtazi edhe një konkurs presidencial për fëmijë të moshës parashkollore mbi inteligjencën artificiale, shkruan A2 CNN.
Eventi i së enjtes, që shënoi pjesëmarrjen e tetë të Zonjës së Parë në një aktivitet zyrtar në Shtëpinë e Bardhë gjatë mandatit të dytë të Presidentit Trump, kthen vëmendjen nga mungesa e saj në Uashington dhe përdorimi selektiv i platformës si një Zonjë e Parë. Ajo është parë në publik vetëm 20 ditë që kur presidenti u rikthye në detyrë – më pak se gjysma e 46 ditëve që ishte shfaqur në të njëjtën pikë në mandatin e tij të parë, kur ajo kishte marrë pjesë në disa takime në Zyrën Ovale.
Megjithatë, siç pohojnë burime familjare me çështjen, Melania komunikon vazhdimisht me të shoqin përmes mesazheve dhe telefonatave. (A2 Televizion)
A2 CNN Livestream
MUND TE LEXONI GJITHASHTU
