Ballkani Perëndimor ishte në fokus të samitit mes Shteteve të Bashkuara të Amerikës dhe Bashkimit Europian. Kjo theksohet në konkluzionet e përbashkëta pas takimit mes presidentit, Joe Biden, dhe zyrtarëve të lartë të Brukselit.
“Synojmë të forcojmë angazhimin tonë të përbashkët në Ballkanin Perëndimor, përfshirë përmes dialogut të ndërmjetësuar nga BE mes Beogradit dhe Prishtinës për normalizimin e raporteve të tyre dhe duke mbështetur reformat kyçe për integrimin europian”, thuhet në njoftimin zyrtar të palëve.
Ndër të tjera zyrtarët e BE-së theksuan se është rritur ndjeshëm niveli i bashkëpunimit me Uashingtonin pas ardhjes në pushtet të presidentit Joe Biden.
“BE-ja dhe SHBA-ja kanë interesa të përbashkëta dhe angazhohen për vlerat e njëjta”, ishte mesazhi kryesor i vizitës së Biden në selinë qendrore europiane. (A2 Televizion)
A2 CNN Livestream
MUND TE LEXONI GJITHASHTU
