"Nuk duhet të ketë vend në Bashkimin Evropian për urrejtje dhe diskriminim ndaj komunitetit LGBTIQ". Kështu u shpreh Komisionerja Evropiane për Barazi, Helena Dalli, duke prezantuar së bashku me zëvendëspresidenten për Vlerat, Vera Jurova, strategjinë e parë të Bashkimit për barazinë e lesbikeve, homoseksualëve, biseksualëve dhe transgjinorëve.
"Megjithëse progresi drejt barazisë LGBTIQ është bërë vitet e fundit në BE, diskriminimi vazhdon dhe 43% ndjehen të diskriminuar, me krizën Covid-19 që ndërhyn për të përkeqësuar situatën", shpjegoi Jurova.
Sipas saj, kjo strategji do të forcojë përpjekjet e përbashkëta për të siguruar që të gjithë të trajtohen në mënyrë të drejtë.
Plani përcakton një seri veprimesh të miratuara, përfshirë masat ligjore dhe financiare, për 5 vitet e ardhshme. Në veçanti, Brukseli propozon të zgjerojë listën e krimeve të parashikuara nga BE për të mbuluar gjithashtu krime të frymëzuara nga urrejtja homofobike ose nxitje të urrejtjes homofobike dhe gjithashtu të shtyjë përpara legjislacionin për njohjen e "familjeve ylber" në situata ndërkufitare. (A2 Televizion)
A2 CNN Livestream
MUND TE LEXONI GJITHASHTU
