Vijon në Këshillin e Lartë të Prokurorisë seanca e raportimit të drejtuesit të Prokurorisë së Posaçme, Altin Dumani.
Ky i fundit është pyetur nga anëtari i KLP-së, Bujar Sheshi nëse është bërë efektive Byroja Kombëtare e Hetim, e cila tashmë e ka të plotësuar organikën.
Dumani deklaroi se BKH është tashmë një byro funksionale ndërsa shtoi se përmirësimi i punës është i ndjeshëm.
“Ka numër më të lartë veprimesh hetimore. Hetuesit janë të motivuar. Ka edhe një mekanizëm për vlerësimin e performancës së tyre. Mungesa e ambienteve e vështirëson punën e tyre, por jemi përpjekur që hetimi të ecë. Kemi kryer veprime edhe ne ditët e pushimit. Jemi në pritje të një ambienti të ri.”
Po ashtu, kreu i SPAK kërkoi nga KLP që të ndërhyjë me vendimmarrje për ambientet e reja.
Kurse, i pyetur nga Tartar Bazaj nëse është e nevojshme rritja e numrit të prokurorëve në mbi 20, Dumani tha se vlerëson se për momentin numri 20 është i mjaftueshëm. (A2 Televizion)
A2 CNN Livestream
MUND TE LEXONI GJITHASHTU
