Është shoqëruar rreth orës 00:15 në brendësi të restorantit të tij në Himarë kandidati për bashkinë e koalicionit “Bashkë fitojmë”, Fredi Beleri. Belerin e kanë shoqëruar dy persona të paidentifikuar me forcë në drejtim të komisariatit Himarë dhe me pas mësohet se është dërguar drejt Vlorës. Bashkë me të janë shoqëruar avokati i tij personal, Bledi Dumani, një pjesëtar i stafit të punës, si dhe një person i rastësishëm. Personi që bën pjesë në shtabin e Fredi Belerit i shoqëruar me probleme në zemër, teksa pas disa orësh nga shoqërimi i tij në polici është thirrur ambulanca që e ka marrë e ka çuar drejt spitalit pasi ka shfaqur probleme të rënduara të zemrës.
Pas tri orësh nga shoqërimi është liruar avokati personal i Fredi Belerit, si dhe personi rastësishëm të cilët nuk janë informuar përse janë shoqëruar. Gjithashtu, prej orësh vijon të mbetet në qeli kandidati Beleri, ndërsa në ambientet e spitalit po mbahet në monitorim shëndetësor anëtari i grupit të punës elektorale pasi problemet në zemër janë rënduar edhe më tepër.
Në komisariatin e Himarës Belerin e kanë pritur simpatizantë, teksa bashkë me ta ka qenë edhe kreu i PBDNJ-së, Vangjel Dule. Në fjalën e tij për media zoti Dule e quajti sulm të pastër politik dhe bëri thirrje që të tilla tentativë për pengimin e procesit elektoral të ndalen. Sipas Dules, shoqërimi i sotëm i Belerit është orkestruar enkas nga kryeministri Rama. (A2 Televizion)
A2 CNN Livestream
MUND TE LEXONI GJITHASHTU
