Ekstradohet nga Milano drejt Tiranës Bujar Shega, anëtari i grupit të Suel Çelës

Nga A2 CNN
2025-04-03 12:04:00 | Kronikë

Ekstradohet nga Milano drejt Tiranës Bujar Shega, anëtari i grupit

Është ekstraduar nga Milano drejt Tiranës 52-vjeçari Bujar Shega, anëtar i grupit të Suel Çelës në Elbasan.

Përmes një njoftimi, Policia bën të ditur se ai akuzohet nga Gjykata e Posaçme për trafikim të lëndëve narkotike dhe pastrim të parave, kryer në kuadër të grupit të strukturuar kriminal.

Po ashtu, bëhet e ditur se në vitin 2024, GJKKO i ka caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Pastrimi i produkteve të veprës penale ose veprimtarisë kriminale”, kryer në kuadër të grupit të strukturuar kriminal.

Njoftimi i Policisë:

Interpol Tirana-Ekstradohet nga Milano, një 52-vjeçar i akuzuar nga GjKKO, për trafikim të lëndëve narkotike dhe pastrim të parave, kryer në kuadër të grupit të strukturuar kriminal.

Në vijim të bashkëpunimit të ngushtë ndërmjet Interpol Tiranës dhe Interpol Romës, u finalizua procedura e ekstradimit në Shqipëri, të shtetasit të shpallur në kërkim ndërkombëtar, të arrestuar në Itali, M. Sh. alias B. Sh., 52 vjeç, i lindur në Elbasan.

Në vitin 2024, Gjykata e Posaçme e Shkallës së Parë për Korrupsionin dhe Krimin e Organizuar i ka caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Pastrimi i produkteve të veprës penale ose veprimtarisë kriminale”, kryer në kuadër të grupit të strukturuar kriminal. (A2 Televizion)

A2 CNN Livestream

Live Updates

Latest Videos