Nëndrejtori i seksionit politik të BE-së në Shqipëri, Silvian Gambert, ka sqaruar në studion e "Dita jonë" në A2, për sistemin ETIAS që do të hyjë në fuqi në fund të viti 2022, për zonën Shengen.
Sipas tij, ETIAS është një sistem paraprak informacioni ku vendet pa regjim vizash udhëtojnë në Shengen, sikurse e ka edhe Kanadaja dhe SHBA-ja dhe nuk ka lidhje me sistemin e vizave apo me kushtet e reja.
“Është e rëndësishme që po zhvillohet dhe po fillon në fund të 2022 është një sistem paraprak informacioni ku vendet pa regjim vizash udhëtojnë në Shengen. SHBA dhe Kandaja e kanë këtë.
Nuk ka të bëjë me sistemin e vizave, nuk ka kushte e kritere të reja. Jo vetëm shqiptarët, por edhe vende të tjera do të përdorin të njëjtën formë, edhe amerikanët kur të udhëtojnë në Shengen do të ndjekin të njëjtën procedurë.”
Për Gambert, kjo është bërë për të lehtësuar të udhëtuarit dhe për të forcuar sigurinë në zonën Shengen. Autorizimi është trevjeçar, kushton 7 euro dhe është falas për të rinjtë dhe të moshuarit.
“Do ta lehtësojë të udhëtuarit dhe të përforcojmë sigurinë në zonën Shengen dhe radhët në aeroporte dhe kjo lehtëson dhe punën e oficerëve të policisë kufitare.
Nëse s’ka probleme me krimin është shumë e thjeshtë dhe jepet për 3 vjet. Kushton 7 euro dhe është falas për brezin e ri dhe të moshuarit, vlefshmëria është për 3 vjet, bëhet online dhe është shumë e thjeshtë. Do të jetë më e mirë për sigurinë”. (A2 Televizion)
A2 CNN Livestream
MUND TE LEXONI GJITHASHTU
