Gjashtë skuadra shqiptare nga të gjitha trojet, zbresin në fushë këtë të enjte, për ndeshjet e turit të dytë eliminator të Europa League.
Renova luan prej orës 15:30 ndaj kroatëve të Hajdukut të Splitit, ndërsa pak minuta më pas Teuta do të ndeshet me spanjollët e Granada-s në “Niko Dovana” të Durrësit.
Shkëndija e Tetovës ka transfertën në Rumani me Botosanin, të vetëdijshëm se kualifikimi mund t’i vendosë përballë gjigandëve anglezë të Totenham-it.
Në 19:00, Laçi luan ndaj Hapoel Ber Shevà në Elbasan Arena, ndërsa prej orës 20:00 Drita, kampione e Kosovës, sfidon Sileksin në Maqedoninë e Veriut.
Në të njëjtin orar, Kukësi përballet në Arenën Kombëtare me Volfsburgun. Trajneri i ekipit të Bundesligës gjermane, Oliver Glasner deklaroi se megjithë respektin për Kukësin, "ujqërit" vijnë në Tiranë për fitore dhe për t'u kualifikuar më tej. (A2 Televizion)
A2 CNN Livestream
MUND TE LEXONI GJITHASHTU
