Një zjarr ka dëmtuar statujat enigmatike në ishullin e Pashkëve, disa prej të cilave për shkak të karbonit thuhet se janë të pariparueshme.
Një numër i panjohur i statujave të gdhendura në gurë janë prekur nga zjarri, tha nënsekretari i trashëgimisë kulturore të Kilit.
Ishulli i Pashkëve ka rreth 1000 megalit, të njohur si moai. Ato kanë koka të mëdha dhe në përgjithësi janë rreth 4 m të larta.
Statujat u gdhendën nga një fis polinezian më shumë se 500 vjet më parë, diku midis viteve 1400 dhe 1650, nga njerëzit indigjenë Rapa Nui, dhe u pozicionuan për të formuar një unazë rreth ishullit, me pamje nga brenda.
Ato ishin figura të përkushtimit shpirtëror për Rapa Nui, duke mishëruar shpirtin e një paraardhësi të shquar. Secili prej tyre konsiderohej si mishërimi i gjallë i personit.
Sipas autoriteteve zjarri, i cili shpërtheu të hënën, preku gati 60 hektarë dhe raportohet se është vënë qëllimisht dhe është i përqendruar rreth vullkanit Rano Raraku të Ishullit të Pashkëve, i cili është një sit i Trashëgimisë Botërore të UNESCO-s.
Ishulli i Pashkëve shtrihet 3,500 km nga brigjet e Kilit. Ai mbështetet në turizëm dhe u rihap vetëm tre muaj më parë pas mbylljes së tij gjatë pandemisë Covid-19. Vendi tani është mbyllur përsëri ndërsa një ekip konservues po shqyrton shkallën e dëmit, i cili sipas autoriteteve nuk mund të zhbëhet.
Janë rreth 1000 statuja gjigante guri dhe gdhendje në ishullin e Pashkëve, më e madhja prej të cilave peshon 74 tonë dhe është 10 metra e lartë. (A2 Televizion)
A2 CNN Livestream
MUND TE LEXONI GJITHASHTU
