Francezët i janë drejtuar kutive të votimit këtë të dielë, për të zgjedhur parlamentin e ri, zgjedhje këto që mund të privojnë presidentin Emmanuel Macron nga shumica absolute që i nevojitet për të qeverisur me dorë të lirë.
Votimi nisi në orën 08:00 të mëngjesit, me rezultatet paraprake që priten pas orën 20:00 në një votim që mund të ndryshojë fytyrën e politikës franceze.
Anketuesit parashikojnë se kampi i Macron do të fitojë numrin më të madh të vendeve të parlamentit, por shtojnë se në asnjë mënyrë nuk është e garantuar të arrijë pragun e 289 deputetëve, të nevojshëm për një shumicë absolute.
Sondazhet e opinionit shohin gjithashtu se e djathta ekstreme ka gjasa të shënojë suksesin e saj më të madh parlamentar në dekada, ndërsa një aleancë e gjerë e majtë-gjelbër mund të bëhet grupi më i madh i opozitës. (A2 Televizion)
A2 CNN Livestream
MUND TE LEXONI GJITHASHTU
