Gjermania po përgatitet të rikthejë futbollin e ndërprerë nga pandemia e koronavirusit, por pikërisht në ditët kur debatet janë ende të nxehta nëse duhet lejuar një gjë e tillë, një lajm i keq vjen nga një prej klubeve të Bundesligës.
FC Koln ka deklaruar, me anë të një postimi në faqen zyrtare, se rezultatet e testeve të fundit kanë nxjerrë pozitivë me koronavirus, 3 anëtarë të skuadrës. Edhe pse janë të gjithë asimptomatikë, punëtorët e prekur nga koronavirusi, emrat e të cilëve nuk bëhen publike nga klubi do të mbahen në izolim për 14 ditë, në pritje të një testi tjetër.
Klubet gjermane kanë më shumë se 3 javë që kanë nisur stërvitjet dhe testet e lojtarëve dhe anëtarëve të tjerë bëhen rregullisht për të monitoruar dhe mbajtur nën kontroll situatën. (A2 Televizion)
A2 CNN Livestream
MUND TE LEXONI GJITHASHTU
