Charles Leclerc fiton garën e tij të parë pikërisht në një nga pistat që kanë shndërruar në legjendë mitin e Ferrarit, Michael Shumacher, Spa- Francochamps i Belgjikës.
Piloti 21-vjeçar, i lindur në Principatën e Monakos, arriti të dominojë garën edhe pse në xhiro të fundit një problem te gomat rrezikojë që ëndrra e tij për triumf t’i kalonte kampionit të botës, britanikut Lewis Hamilton.
Në fund të garës Leclerc i dedikoi fitoren mikut të tij Anthoine Hubert, që ndërroi jetë në një aksident tragjik gjatë një gare të Formula 2.
Pas Leclerc dhe Hamilton, u radhit piloti tjetër i Mercedes Benz Valtteri Bottas, ndërkohë që gjermani Vettel mbeti jashtë podiumit, pasi për kohë të gjatë ishte në vend të parë dhe të dytë.
Holandezi Verstappen aksidentoi Red Bullin e tij në xhiron e parë, duke kompromentuar kështu goxha shanset e tij në sezon, që për momentin dominohet nga Hamilton. (A2 Televizion)
A2 CNN Livestream
MUND TE LEXONI GJITHASHTU
