Andrea Bellotti në krah të Edin Dzekos. Ky mund të jetë sulmi i ri i Inter, me kapitenin e Torinos që ka mposhtur konkurrencën e Joakin Correas dhe duket i destinuar për t’u veshur zikaltër.
Edhe pse ende nuk ka një përgjigje nga vetë futbollisti i përfaqësueses së kaltër, mediat në Itali flasin për një akord të arritur mes Inter dhe Torinos.
Kampionët e Italisë po mendojnë edhe për një skemë të re që do të përfshinte të dy bomberat në formacion.
Gjithçka vjen si pasojë e ngërçit të krijuar në bisedimet për Joakin Correa nga Lazio.
Edhe pse Inter e rriti në 30 milionë ofertën për sulmuesin argjentinas, sërish nuk është gjetur një gjuhë e përbashkët me presidentin Claudio Lotito dhe drejtorin sportive Igli Tare.
Kjo ka bërë që drejtuesit e i Inter të ndërrojnë menjëherë drejtim dhe të synojnë futbollistin e Torinos.
Akordi është gjetur për 15 milionë euro plus bonuse dhe pritet vetëm vendimi i futbollistit. Andrea Bellotti do të jetë alternativa e parë pas Edin Dzeko, por pse jo mund edhe ta shoqërojë boshnjakun në repartin ofensiv. (A2 Televizion)
A2 CNN Livestream
MUND TE LEXONI GJITHASHTU
