Milan është një prej skuadrave më të angazhuara që prej ditës së parë në merkato e duket se do ta bëjë diçka të tillë deri në limitet e saj. Edhe Pietro Pellegri, italiani i kombëtares që ka luajtur për Monaco, është tashmë futbollist i Milanit, megjithatë kuqezinjtë nuk kanë akoma një lojtar në rolin e organizatorit, hapësirën e krijuar nga largimi i Hakan Calhanoglu.
Tre janë alternativat momentalisht për Maldinin dhe Massaran. Junior Messias është emri i parë që po studion Milan. Messias ishte protagonist me 9 gola në 36 ndeshje sezonin e kaluar për Crotonen dhe i kushton milanezëve vetëm 10 milionë euro.
Mundësia tjetër është ajo e futbollistit meksikan Jesus Corona. 28-vjeçari, ai që shënoi golin që eliminoi Juventusin përballë Portos në Champions League përfundon kontratën pas një viti dhe portugezët po shqyrtojnë ofertat.
Nga Porto kërkohen 20 milionë euro, ndërkohë që Milan nuk e vlerëson më shumë se 10 milionë euro mesfushorin. Alternativa tjetër e “Djallit” është një emër më i njohur. Pablo Sarabia kërkon më shumë hapësira, gjë e cila nuk po i mundësohet te Paris Saint Germain. Kontrata e tij përfundon në 2024, por francezët mund ta lirojnë në formë huazimi. Diçka e tillë i intereson edhe italianëve, por problem janë 4 milionë eurot në sezon që argjentinasi përfiton në Paris.
Milan është pranë një tjetër përforcimi në sulm. Tiemu Bakayoko kërkon të lërë Chelsean për t’u veshur kuqezi dhe palët janë gati për të nisur tratativat për transferim të formës huazim me të drejtë blerejeje. (A2 Televizion)
A2 CNN Livestream
MUND TE LEXONI GJITHASHTU
