Fatos Tushe, ish-kryebashkiaku i Lushnjës, i arrestuar nga SPAK për abuzime me disa tendera do të gjykohet me procedurën e gjykimit të shkurtuar në Gjykatën e Posaçme.
Në seancën e parë të këtij procesit, trupi gjykues i kryesuar nga Erion Bani, pranoi kërkesën e ish-zyrtarit të lartë për këtë lloj gjykimi, prej të cilit në rast fajësie, i pandehuri përfiton uljen e një të tretës së dënimit.
Kërkesa për gjykim të shkurtuar u pranua edhe për 18 nga 20 të bashkëpandehurit e Tushes, kryesisht ish-zyrtarë të Bashkisë dhe të institucioneve vartëse të saj. Për të pandehurit Bujar Murati dhe Natasha Myrta, çështja u veçua.
Ish-kryebashkiaku i Lushnjës, i cili qëndron në burg prej korrikut të vitit të kaluar ishte i pranishëm në seancën e së martës. Sipas prokurorisë, Tushe dhe ish-vartësit e tij, në episode të ndara kanë “shpërdoruar detyrën” dhe “shkelur barazinë në tendera” lidhur me një tender me vlerë 23 milionë lekë për rehabilitimin e një kanali ujitës në njësinë administrative Kolonjë.
Në të njëjtën formë, SPAK pretendon se të pandehurit, ish-zyrtarë e biznesmenë, kanë abuzuar edhe me disa tendera të tjerë për blerje të bashkisë Lushnje, duke kualifikuar operatorë ekonomike të paracaktuar dhe që kishin paraqitur ofertë më të lartë se garuesit e tjerë.
Po sipas SPAK, Tushe ka “shpërdoruar detyrën” edhe duke iu dhënë personave privatë karburant të bashkisë Lushnje, si edhe duke lejuar ndërtime të paligjshme. (A2 Televizion)
A2 CNN Livestream
MUND TE LEXONI GJITHASHTU
