Rusia ka shumë konflikte të hapura, herë pas here joaktive, në atë që e konsideron zonën e saj të ndikimit. Ato janë të ashtuquajturat “konflikte të ngrira”, të cilat ndryshojnë në intensitet në varësi të dëshirës së Kremlinit për të intensifikuar forcat e tij dhe presionin ndaj kundërshtarëve përtej kufirit.
Aktualisht, ajo po i bën presion Perëndimit me konfliktet në Gjeorgji, Moldavi, Donbas, Siri dhe Nagorno-Karabakh.
Ukraina është vetëm një kapitull më shumë në aspiratat ushtarake dhe gjeopolitike të Presidentit rus Vladimir Putin. Prandaj, është e nevojshme të rishikohen 5 konfliktet në të cilat Rusia është zhytur aktualisht. (A2 Televizion)
Gjeorgjia - Në vitin 2008, Moska filloi një ofensivë kundër Gjeorgjisë me mbështetjen e republikave pro-ruse të Osetisë së Jugut dhe Abkhazisë. Në rastin e parë, flaka e vetëvendosjes është rindezur me luftën në Ukrainë si pretekst. Ky konflikt i ngrirë mund të rifillonte nëse do të dëshironte presidenti rus. Kjo luftë u quajt Konflikti 5-ditor, sepse trupat ruse hynë drejtpërdrejt dhe shkatërruan gjithçka në rrugën e tyre. Shumë kohë më pas, gjeorgjianëve u kujtohet ende ashpërsia e këtij konflikti. Për këtë arsye, qëndrimi i Gjeorgjisë në favor të Ukrainës është i tillë që ai ka paraqitur kërkesën për hyrje në Bashkimin Evropian, nga frika se Putini do të përsërisë të njëjtën strategji për Tbilisin që përgatiti në Kiev.Transnistria = Transnitria, e vendosur midis Ukrainës dhe Moldavisë, u deklarua e pavarur kundër pozicionit të Kishinjevit dhe Moska e trajton atë në këtë mënyrë sepse është një lloj magazine për rreth 20 000 tonë armë ruse që nga Lufta e Ftohtë, ku strehohen 2 000 trupa aktive. Ajo është e lidhur ngushtë me vlerat e Bashkimit Sovjetik dhe mund të shërbejë si një ndërmjetës për Moskën për të sulmuar Moldavinë, një vend tjetër që po i bashkohet gjithnjë e më shumë Perëndimit dhe ka kërkuar të jetë një kandidat për në BE. Javët e fundit, sulmet në zonë janë shtuar, të lidhura me "aktet terroriste" si nga autoritetet lokale, ashtu edhe nga Rusia.Donbas - Ukraina Lindore është bërë sërish qendra e pushtimit rus të vendit, pas dështimit të Moskës me planin e saj në shkallë të gjerë, i cili përfshinte kapjen e Kievit. Trupave ruse u është dashur të rillogaritin strategjinë e tyre, për të përqendruar të gjithë forcën e tyre në një rajon të zhytur në luftë, nën pretekstin e Putinit për të "mbrojtur popullatën proruse".Siria = Është një shembull tjetër i qartë i një konflikti të ngrirë nga Vladimir Putin. Presidenti sirian Bashar al-Assad nuk mund të kishte mbetur në pushtet nëse nuk do të kishte mbështetjen ruse. Roli i Moskës është vendimtar në një luftë që mbetet aktive, pasi rrjedha e ngjarjeve varet nga vendimet e marra nga Kremlini.Nagorno-Karabakh = Në rajonin e Nagorno-Karabakh ka pasur përplasje midis Armenisë dhe Azerbajxhanit, të cilat i kanë shërbyer Rusisë për të ruajtur ndikimin e saj.
