Sindroma e "zemrës së pushimeve", ngjan si diçka romantike, por në fakt ka të bëjë vetëm me dietën dhe shëndetin. Sezoni i festave të fundvitit nxit edhe ata që janë strikt në vaktet e ngrënies dhe në dietën ditore.
Festat, alkooli e mbi të gjitha ëmbëlsirat, janë kudo. Por mjekët thonë se konsumimi i tepërt i kalorive, në kaq pak ditë, nuk i bën aspak mirë zemrës. Sindroma e zemrës së pushimeve përshkruan pikërisht momentet dramatike, kur në urgjencë shënohet rritje e numrit të pacientëve, që ankohen nga dhimbjet e zemrës dhe rritje të tensionit.
Rrahjet e çrregullta të zemrës janë shenjat e para të keq-ushqyerjes apo teprimit me ushqimin në këto ditë, shoqëruar me probleme në frymëmarrje.
Ekspertët kardiakë sugjerojnë edhe kujdes me alkoolin, ushqimet shumë të kripura, ëmbëlsirat, gjërat e thata dhe gjumi i reduktuar, shndërrohen në këtë periudhë në një “stuhi” shëndetësore.
Ndaj, këshillat e vetme të mjekëve janë: sigurohuni të mos e teproni me alkoolin dhe të jeni të hidratuar. Konsumi vakte të shpeshta, por të lehta. E mbi të gjitha, mundohuni të ruani rutinën tuaj ditore dhe gjumin. Me kaq pak, do të mund të kaloni pushime të shëndetshme. (A2 Televizion)
A2 CNN Livestream
MUND TE LEXONI GJITHASHTU
