Ideuesit e qiellgërvishtësit më të “hollë” në botë kanë bërë publike pamje nga jeta superluksoze që mund të bëjnë ata që jetojnë në të.
Firma Studio Sofield në Nju-Jork ka zbuluar ambientet e brendshme të Kullës Steinway, e cila sapo është ndërtuar dhe është 435 metra e lartë me pamje nga Central Park.
Kulla në mes të qytetit të Manhatanit është ndërtuar në një vend që dikur ishte në pronësi të kompanisë historike të pianos Steinway & Sons.
Rrokaqielli 91-katësh, i njohur gjithashtu si 111 West 57th Street, ka 46 rezidenca me kate të plota dhe dupleks.
Fotot e publikuara këtë muaj nga projektuesit tregojnë ambiente luksoze të zbukuruara me gur gëlqeror, mermer, çelik të nxirë dhe kadife, dysheme të shtruara me lis të ngurtë gri dhe vepra arti origjinale nga Picasso dhe Matisse.
Sipas Studio Sofield, ambientet e brendshme të Kullës Steinway janë projektuar për të reflektuar madhështinë e “Epokës së Praruar” të Nju-Jorkut, një periudhë në fund të shekullit të 19-të.
Kulla ndodhet në një rrugë në Midtown, e cila është e mbushur me kulla të shndritshme dhe njihet si Rreshti i Miliarderëve. (A2 Televizion)
A2 CNN Livestream
MUND TE LEXONI GJITHASHTU
