Pavarësisht se në të gjithë Anglinë po përgatiten për masa shtrënguese për shkak të përhapjes së koronavirusit në vend, të rinjtë duket se nuk janë shumë të shqetësuar. Përveç Londrës, ku numri i frekuentuesve të lokaleve të natës dhe shesheve kryesore ka rënë disi, festat në shumë qytete nuk janë ndërprerë, ndërsa janë organizuar edhe koncerte.
Në Lids, studentët kanë nisur me ritualet tradicionale që kryhen para festës së Shën Patrikut, edhe pse në Irlandë, ku e ka origjinën festa e kremtuar më 17 mars, ceremonitë janë anuluar.
Numri i viktimave në Mbretërinë e Bahskuar është dyfishuar në 24 orët e fundit, duke shkuar në 35, ndërsa mbi 6000 vetë kanë humbur jetën në të gjithë botën.
Megjithatë kjo nuk i ndali fanatikët e garave me kuaj. Rreth 70 mijë vetë ndoqën garat “Cheltenham” për katër ditë me radhë, pavarësisht se që nga fundjava e ardhshme grumbullime të tilla nuk do të mund të mbahen më.
Koronavirusi mund të shkaktojë shtyrje ose edhe anulim të disa ngjarjeve artistike të mëdha në Britani, si festivali i Glastonbërit, përvjetorin e ditës së fitores ndaj nazizmit, por edhe turneve sportivë si kampionati i tenisit në Uimbëlldon.
Megjithatë, Britania nuk i ka marrë ende masat drastike të ngjashme me disa vende të tjera të kontinentit, përfshi Shqipërinë, diçka që, duke u kombinuar me sjelljen jo shumë të përgjegjshme të të rinjve, mund të shkaktojë rritje eksponenciale të shifrave të të prekurve. (A2 Televizion)
A2 CNN Livestream
MUND TE LEXONI GJITHASHTU
