Taulant Balla ka shpërndarë në rrjetet sociale tekstin e letrës së 73 eurodeputetëve që i kërkojnë Këshillit të Bashkimit Evropian përcaktimin e një date për fillimin e bisedimeve për anëtarësim me Shqipërinë dhe Maqedoninë e Veriut.
Nisur nga kjo letër, ndryshimin e metodologjisë së zgjerimit që sipas tij, “ka adresuar edhe hezitimin e tetorit” të vendeve si Franca dhe Holanda, Balla tregohet optimist se të enjten Këshilli Evropian do të miratojë zyrtarisht bisedimet për anëtarësimin.
Në letrën e shpërndarë nga Balla, eurodeputetët deklarojnë se “një tjetër vendim jo i favorshëm nga BE mund të rrezikojë dhe të prishë përparimin e arritur tashmë, duke sjellë një dobësim të lëvizjeve pro-evropiane në vendet e rajonit”, dhe se “të dy vendet kanë treguar përkushtim për reformat dhe përparim dhe kanë përmbushur kërkesat e bëra nga ana e BE-së”, duke treguar se një shtyrje e mundshme mund të rrezikojë tendencën pro-evropiane të opinionit publik në dy vendet kandidate. (A2 Televizion)
A2 CNN Livestream
MUND TE LEXONI GJITHASHTU
