Ndeshjet e Premier League nuk sosin të dhurojnë spektakël dhe gola, edhe në sekondat e fundit.
Liverpuli i Jurgen Klopp gjen fitoren në sekondat e fundit të kohës shtesë, falë golit të sulmuesit belg Origi, i aftë në pozicionim pas një gafe të rëndë të portierit të Evertonit dhe Kombëtares angleze Pickford.
Ndërkohë, Chelsea e trajnerit italian Maurizio Sarri merr trepikëshin e synuar me të fundmen e klasifikimit, Fulham, në një ndeshje më të vështirë sesa mund të pritej.
Liverpuli në këtë mënyrë mban distancën me kryesuesit e Manchester City me vetëm dy pikë, duke shpëtuar në këtë mënyrë kampionatin nga një tjetër dominim të “Qytetarëve” të Mançesterit.
Tekniku Ranieri i ka dhënë shpirtin e tij luftarak ekipit modest nga Londra, por nuk mundi asgjë në “derbin italian”, pasi Pedro në fillim te ndeshjes dhe Loftus Check në mbyllje i mundësojnë londinezëve blu vendin e tretë në klasifikim.
Një pikë më pas gjendet Arsenali, protagonist në ndeshjen më emocionuese të javës, në derbin më nobël të Londrës, ai me Tottenham.
Ndeshja përfundoi 4-2 për Gunners, pas një seri emocionesh, ku Arsenali kaloi në avantazh me Aubameyang me penallti, dhe më pas Tottenhami barazoi dhe kaloi në avantazh me Dier dhe bomberin Kane, sërish me penallti.
Ndoshta i lodhur nga beteja në Champions me Interin, Tottenham bie në pjesën e dytë me Arsenalin që barazon sërish me Aubameyang , dhe triumfon përfundimisht me Lacazette dhe ish sampdorianin Torreira.
Java e Premier shënon edhe një shkarkim të bujshëm: është trajneri i Southampton Mark Hughes, pas barazimit 2-2 me gjigandët e Manchester United. (A2 Televizion)
A2 CNN Livestream
MUND TE LEXONI GJITHASHTU
